दोस्रो अधिवेशन तथा चौथो क्याम्पस सभा सम्पन्न ।

05, Nov 2026 | दोस्रो अधिवेशन तथा चौथो क्याम्पस सभा सम्पन्न ।

आज मिति २०८३ कार्तिक १९ गते बिहीबारको दिन वरुण बहुमुखी क्याम्पसको दोस्रो अधिवेशन तथा चौथो क्याम्पस सभा सम्पन्न भएको छ। उक्त उ्दघाटन समारोह कार्यक्रमको अध्यक्ष्यता श्री दीर्घध्वज चापागाईंले गर्नुभएको थियो साथै प्रमुख अतिथि कोशी प्रदेश सरकारका सङ्खुवासभा जिल्ला निर्वाचन क्षेत्र नम्बर ( क) का माननीय राजेन्द्र कार्कीज्यूले गर्नु भएको थियो । बिशिस्ट अतिथि तथा सदस्य जिल्ला समन्वय प्रमुख श्री सुमन शाक्य,खाँदवारी नगरपालिकाका मेयर श्री महेश थपलियाज्यु लगायतले शुभकामना व्यक्त गर्नु भएकाे थियाे।कार्यक्रममा क्याम्पस सभाका सभाषद्ज्यूहरू, प्राध्यापक र कर्मचारीहरूको उपस्थिति रहेको थियो । क्याम्पस सभामा क्याम्पस प्रमुख सह प्राध्यापक श्री चित्ररेखा कार्कीबाट आर्थिक वर्ष २०८२/०८३ को बार्षिक प्रगति प्रतिवेदन, लेखापरीक्षण प्रतिवेदन र आ.व.२०८३/०८४ को अनुमानित बजेट तथा नीति कार्यक्रम पेश गर्नु भएको थियो। उक्त सभाले क्याम्पस प्रमुखले पेश गर्नु भएको प्रतिवेदन स्वीकृत गरेको छ ।

साथै दोस्रो अधिवेशनबाट नयाँ सञ्चालक समिति को चयन भएको छ। उक्त सञ्चालक समितिमा अध्यक्षमा श्री अनन्त गौली, उपाध्यक्षमा श्री लेखनाथ वुढाथोकी, त्यसैगरी सदस्यहरूमा श्री उषा कार्की, श्री सल्लेन नेपाली, श्री शेरबहादुर पराजुली, श्री बेदकुमारी रिमाल, श्री बेनुकुमारी राई, श्री दिव्यराज बराल, श्री हरिकुमार कटुवाल, श्री डिलीराम श्रेष्ठ, श्री इशाक राई निर्विरोध निर्वाचित हुनु भएको छ। अधिवेशन सम्पन्न गर्नका लागि गठन भएको निर्वाचन समितिमा जिल्ला प्रशासन कार्यालयका प्रशासनिक अधिकृत श्री घाङरी लामा संयोजकको रूपमा रहनुभएको थियो। साथै सदस्यहरूमा श्री किरण शाक्य, श्री रुद्रनाथ दाहाल, श्री विमल भट्टराई, श्री राजेश राई रहनुभएको थियो।

क्याम्पसको दोस्रो अधिवेशन तथा चौथो क्याम्पस सभा सम्पन्न गर्नका लागि उपस्थित हुनुभएका सम्पूर्ण सभासदज्यूहरू प्रति सम्पूर्ण क्याम्पस परीवार हार्दिक धन्यवाद ज्ञापन गर्दै आभारी छौँ ।

Go back to Notice