संविधान दिवस, २०८३ को अवसरमा आयोजित जिल्ला स्तरीय वक्तृत्वकला प्रतियोगितामा बरुण बहुमुखी क्याम्पस, खाँदबारीकी छात्रा अनिता कुलुङले प्रथम स्थान हासिल गर्न सफल भएकी छन्।

आन्तरिक मामिला तथा कानून मन्त्रालय, कोशी प्रदेशको प्रायोजन तथा शिक्षा विकास तथा समन्वय एकाइ, संखुवासभाको आयोजनामा २०८३ भदौ २५ गते “नेपालको संविधान र सङ्घीयता कार्यान्वयन” विषयमा ,वक्तृत्वकला प्रतियोगिता प्रतियोगिता आयोजना गरिएको थियो। उक्त प्रतियोगितामा विभिन्न शैक्षिक संस्थाका विद्यार्थीहरूको सहभागिता रहेको थियो।

प्रतियोगितामा बरुण बहुमुखी क्याम्पसबाट सहभागी अनिता कुलुङले उत्कृष्ट प्रस्तुति दिँदै प्रथम स्थान हासिल गरेकी हुन्। प्रथम स्थान हासिल गरेबापत उनलाई नगद रु. ७,००० सहित प्रमाण–पत्र प्रदान गरिएको छ।

छात्रा अनिताको यस सफलताले बरुण बहुमुखी क्याम्पसको शैक्षिक तथा अतिरिक्त क्रियाकलापमा समेत उत्कृष्टता हासिल गर्ने परम्परालाई थप मजबुत बनाएको छ। क्याम्पस परीवारको तर्फवाट छात्रा अनिता कुलुङलाई हार्दिक बधाई तथा आगामी दिनका लागि शुभकामना व्यक्त गर्दछौ।

बरुण बहुमुखी क्याम्पस परिवार

खाँदबारी, संखुवासभा