नेपाल रेडक्रस सोसाइटीको ६४औँ वार्षिक उत्सव तथा रेडक्रससम्बन्धी अन्तरक्रिया कार्यक्रम सम्पन्न

नेपाल रेडक्रस सोसाइटीको ६४औँ वार्षिक उत्सवको अवसरमा वरुण बहुमुखी क्याम्पस युवा रेडक्रस सर्कलको आयोजनामा स्नातक प्रथम वर्ष तथा कक्षा ११ का विद्यार्थीहरूबीच रेडक्रससम्बन्धी अन्तरक्रिया कार्यक्रम सम्पन्न भएको छ।

युवा रेडक्रस सर्कल, वरुण बहुमुखी क्याम्पसका अध्यक्ष श्री प्रेमबहादुर बिष्टको अध्यक्षतामा सम्पन्न कार्यक्रममा नेपाल रेडक्रस सोसाइटी सङ्खुवासभा जिल्ला शाखाका सभापति श्री सरोज बज्राचार्यज्यूको प्रमुख आतिथ्यता रहेको थियो। कार्यक्रममा क्याम्पस प्रमुख आदरणीय श्री चित्ररेखा कार्की अधिकारीज्यू तथा प्राध्यापकहरूको उपस्थिति रहेको थियो।

कार्यक्रममा विद्यार्थीहरूलाई रेडक्रसको उद्देश्य, मानवीय सेवा, स्वयंसेवा, विपद् व्यवस्थापन तथा सामाजिक उत्तरदायित्वका विषयमा जानकारी गराउँदै महत्वपूर्ण अन्तरक्रिया गरिएको थियो। कार्यक्रममा विद्यार्थीहरूको सक्रिय सहभागिताले मानवीय सेवाप्रति युवा पुस्ताको चासो र सामाजिक उत्तरदायित्वबोधलाई थप प्रोत्साहन गरेको छ।

वरुण बहुमुखी क्याम्पस परिवार नेपाल रेडक्रस सोसाइटीको ६४औँ वार्षिक उत्सवको अवसरमा हार्दिक शुभकामना व्यक्त गर्दछ।