विद्यार्थीहरूलाई बैंकिङ तथा वित्तीय साक्षरता सम्बन्धी ज्ञान प्रदान

बरुण बहुमुखी क्याम्पसमा BBS तहमा अध्ययनरत विद्यार्थीहरूलाई बैंकिङ तथा वित्तीय साक्षरतासम्बन्धी व्यावहारिक ज्ञान प्रदान गर्ने उद्देश्यले प्रभु बैंक, खाँदबारी शाखाको शैक्षिक अवलोकन भ्रमण सम्पन्न गरिएको छ।

उक्त अवसरमा प्रभु बैंक, खाँदबारी शाखाका शाखा प्रमुख सुदीप निरौला लगायत बैंकका अनुभवी कर्मचारीहरूले विद्यार्थीहरूलाई आधुनिक बैंकिङ प्रणाली, वित्तीय सेवा तथा बैंकिङ कारोबारका विविध पक्षबारे व्यावहारिक, उपयोगी एवं जीवनोपयोगी ज्ञान प्रदान गर्नुभयो।

कार्यक्रमका क्रममा विद्यार्थीहरूले बचत खाता (Saving Account), चल्ती खाता (Current Account), मुद्दती निक्षेप (Fixed Deposit), KYC (Know Your Customer), रकम जम्मा तथा भुक्तानी/निकासी प्रक्रिया, चेक लेखन तथा भुक्तानी, चेक क्लियरिङ, चेक बाउन्स, ATM/Debit Card को सुरक्षित प्रयोग, खाताको मौज्दात जाँच, Mobile Banking, Internet Banking, QR Payment, Remittance सेवा तथा Loan/Credit सम्बन्धी प्रक्रिया बारे प्रत्यक्ष जानकारी हासिल गरे।

त्यसैगरी, विद्यार्थीहरूलाई डिजिटल बैंकिङको सुरक्षित प्रयोग, OTP तथा PIN को सुरक्षा, वित्तीय कारोबारमा अपनाउनुपर्ने सावधानी, बैंकिङ सेवाको प्रभावकारी उपयोग तथा बैंकिङ क्षेत्रमा उपलब्ध रोजगारी र करियरका सम्भावनाहरू बारे समेत महत्वपूर्ण जानकारी प्रदान गरिएको थियो।

कक्षाकोठामा अध्ययन गरिएको सैद्धान्तिक ज्ञानलाई वास्तविक बैंकिङ अभ्याससँग प्रत्यक्ष रूपमा जोड्ने यस अवलोकन भ्रमणले विद्यार्थीहरूमा वित्तीय सचेतना अभिवृद्धि गर्नुका साथै बैंकिङ सेवा, प्रविधि र वित्तीय कारोबारप्रतिको व्यवहारिकता लाई थप सुदृढ बनाएको छ। यस प्रकारका शैक्षिक तथा प्रयोगात्मक सिकाइका गतिविधिले विद्यार्थीहरूको ज्ञान, सीप, आत्मविश्वास र भविष्यको व्यावसायिक दक्षता विकासमा महत्वपूर्ण योगदान पुर्‍याउने विश्वास गरिएको छ।

यस ज्ञानवर्धक, प्रभावकारी तथा उपलब्धिमूलक कार्यक्रमका लागि प्रभु बैंक, खाँदबारी शाखाका शाखा प्रमुख श्री सुदीप निरौला लगायत सम्पूर्ण बैंक परिवार प्रति साथै यस कार्यक्रमको संयोजन गर्नु हुने यस क्याम्पस को Management Department Head श्री लक्ष्मी प्रसाद खनाल प्रति क्याम्पस परिवार हार्दिक आभार तथा धन्यवाद व्यक्त गर्दछ।